हेलिकोप्टर दुर्घटना दशको मृत्यु

मस्को, १० मङ्सिर । रसियाको उत्तरी क्रास्नोयार्सक क्षेत्रमा विहीबार भएको एक हेलिकोप्टर दुर्घटनामा कम्तीमा १० व्यक्तिको मृत्यु भएको छ ।

सम्बन्धित अधिकारीहरूले सो जानकारी दिएका छन् । अधिकारीहरूले दिएको जानकारी अनुसार सो दुर्घटनामा परी १० व्यक्तिको मृत्यु हुनुको साथै अन्य १५ जना घाइते भएका छन् ।

तर सुरुमा दिइएको समाचारमा यस घटनामा ज्यान गुमाउने व्यक्तिको सङ्ख्या १५ भएको बताइएको थियो ।

सो हेलिकोप्टरमा चालकदलका सदस्यसहित २५ व्यक्ति सवार थिए । उक्त दुर्घटनामा घाइते भएकाहरूलाई उपचारर्थ अस्पताल भर्ना गरिएको जनाइएको छ ।