तुलसीपुर (दाङ), १६ मङ्सिर । सरकारले दाङका चारवटा खोला तथा नदीबाट ढुङ्गा, बालुवा र गिट्टी निकासीका लागि स्वीकृति दिएको छ ।
स्थानीय विकास अधिकारी रमेश गौतमका अनुसार तुलसीपुर क्षेत्रको पातुखोला, ग्वारखोला, बबईनदी र राप्तीनदीको पश्चिम क्षेत्रबाट ढुङ्गा, गिट्टी र बालुवा निकासीका लागि स्वीकृति पाएको हो ।
लामो समयदेखि जिल्लामा ढुङ्गाजन्य वस्तु निकासी र बेचबिखनमा रोक लगाउँदा मारमा परेको भन्दै सर्वसाधारण तथा व्यवसायीले व्यापक गुनासो स्थानीय प्रशासनलाई राख्दै आएका थिए । सोहीबमोजिम केही दिनअगाडि जिल्ला दैवी प्रकोप उद्धार समिति दाङको बैठकले हाललाई चारवटा खोलाबाट नदीजन्य पदार्थ उत्खनन र निकासी खुल्ला गर्न गरेको सिफारिसअनुसार राष्ट्रपति चुरे संरक्षण समितिले निकासीका लागि स्वीकृति दिएको हो । जिल्लामा नदीजन्य पदार्थ उत्खननमा रोक लगाएपछि चोरी गरेर निकासी गर्ने प्रवृत्ति बढेको थियो ।
No comments:
Post a Comment