न्यूयोर्क,डिसेम्वर १/ नेपाल अमेरिका पत्रकार संघ नेजाले आईतवार नेपालका विविध विधाका ख्याति प्राप्त कलाकारहरुको सहभागीतामा नेजा नाईट दुई सम्पन्न गरेको छ । नेपाली सिने जगतका महानायक राजेश हमाल, हास्य जगतका स्थापित कलाकार मनोज गजुरेल, नायक दिलीप रायमाझी, गायक यम वराल लगायतका आधा दर्जन भन्दा वढी कलाकारहरुले आफनो विभिन्न विधामा दर्शकहरुलाई कार्यक्रम अवधि भर नचाउन, हँसाउन सफल भएका थिए ।
कार्यक्रमलाई सम्बोधन गर्दे राष्ट्रसंघका लागि नेपाली नियोगका उपप्रमुख नारायण मैनालीले विदेशी भूमिमा आफनो कला संस्कृतिको जगेर्ना गर्नको लागि गरिएको प्रयासको प्रशंसा गरे । उनले भने – नेपालका स्थापित कलाकारहरुको सहभागीतामा गरिने यस्तो कार्यक्रमले नेपालीत्वको भावनालाई मजवुत वनाउन टेवा पुगेको छ । कार्यक्रममा सहभागी महानायक राजेश हमालले विदेशी भूमिमा वसेर नेपाली सिनेमा जगतलाई माया गर्ने दर्शकहरुले नै कला संस्कृतिको जगेर्ना गर्ने वताए ।
दोश्रो सत्रमा महानायक राजेश हमालले आकर्षक नृत्य समेत प्रस्तुत गरेका थिए । उनलाई नृत्यमा वसन्ती राईले साथ दिएकी थिईन् । हमालले अमेरिकाको व्यस्त समयमा दर्शकहरुले कलाकारलाई माया गरेर आउनु भएकोमा आफूलाई खुशी लागेको भन्दै कलाकारहरुलाई पनि दर्शकको सामु पुग्दा आनन्द लाग्ने आफनो अनुभूति रहेको वताएका थिए ।न्यूयोर्क वरिपरि वसोवास गर्दे आएका नेपालीहरुको वाक्लो उपस्थितिका माझमा आफनो व्यङ्ग कला प्रस्तुत गर्दे कलाकार मनोज गजुरेलले भारतका प्रधानमन्त्री नरेन्द्र मोदीको भेषमा नेपाल माथि भएको नाकावन्दीको विरोधमा विभिन्न प्रस्तुति दिएका थिए । कार्यक्रमस्थल प्रवेश गर्दा मनोजले मोदीको भेषमा प्रवेश गर्दा हलमा दर्शकहरुले तालीले स्वागत गरेका थिए । उनले हिन्दी लवजमा व्यङ्ग प्रस्तुत गरेर कार्यक्रमलाई थप रोचक वनाएका थिए ।
नेजाको आकष्मिक कोषको सहयोगार्थ आयोजित कार्यक्रममा नायक दिलीप रायमाझीले नृत्य प्रस्तुत गरेका थिए । उनको साथमा शिला शेर्पाले नृत्य प्रस्तुत गरेकी थिईन । नेजाले नेपालमा कठिन घडीमा र भवितव्यको अवस्थामा सञ्चारकर्मीहरुलाई सहयोग गर्दे आएको छ । यसको लागि नेपाली सञ्चारकर्मीहरुको छाता संस्था नेपाल पत्रकार महासंघ सँग सहकार्य गर्दे आएको छ । यस्तो कार्यक्रमवाट संकलित रकम नेपाली सञ्चारकर्मी र उनीहरुको क्षमता अभिवृद्धिमा खर्च गरिने जानकारी नेजाका महासचिव भोला आचार्यले दिए । त्यसैगरी कार्यक्रमका सभापति समेत रहेका सल्लाहकार आडछिरिड शेर्पाले नेजा नाईटबाट पत्रकारहरुमात्र लाभान्वित नभएर कलाकारहरु पनि लाभान्वित भैरहेको वताउदै यसले नेपाली पत्रकारिता र कलाकारिता दुवै क्षेत्रको व्यवसायिकतामा महत्पूर्ण भूमिका खेल्ने विश्वास व्यक्त गरे । कार्यक्रम एउटा मात्र खुट्टाको सहायताले नृत्य गरेकी रश्मी खरेलले दर्शकको सामु आफनो प्रस्तुतिलाई निकै सवल तरिकाले प्रस्तुत गरेकी थिईन् । उनको नृत्य क्षमता देखेर उपस्थित दर्शकहरुले आश्चर्य व्यक्त गरेका थिए ।
कार्यक्रममा गायक यम वरालले आफनो चर्चित गीत वादलुको घुम्टोले ईलाम वजार छोपिदा मैले सवलाई विर्सेछु तिमीलाई सम्झिदा भन्ने वोलको गीत गाएका थिए । यसैगरी कलाकार कर्मा शेर्पा, गायिका पूजा न्यौपाने लगायतले आफनो कला प्रस्तुति गरेका थिए । कार्यक्रममा नृत्य निर्देशक विजय नकर्मीले निर्देशन गरेको स्थानिय कलाकारहरुको नृत्यले सवैको मन छोएको थियो । कार्यक्रममा जनसम्पर्क समिति अमेरिकाका अध्यक्ष आनन्द विष्ट,एनआरएन अमेरिकाका अध्यक्ष डा।केशव पौडेल,एनआएनका रिजनल कोअर्डिनेटर सोनाम लामा,अन्र्तराष्ट्रिय समन्वय समितिका सदस्य कानून व्यवसायी खगेन्द्र जिसी,नेपाली नियोग न्यूयोर्कका कृष्ण सुवेदी, प्रविण भट्टराई लगायतका व्यक्तित्वहरु सहभागी भएका थिए । यसैगरी न्यूयोर्कमा कानून व्यवसायीको रुपमा परिचय वनाउनु भएका विनोद रोका,रमेश श्रेष्ठ,दुर्गा भुर्तेल, आदिवासी जनजाति महासंघका अध्यक्ष लुईसाङ्ग वाईवा,एनआरएन अमेरिकाका वरिष्ठ उपाध्यक्ष कृष्ण पोख्रेल ,जनसम्पर्क समिति अमेरिकाका महासचिव मुनेन्द्र नेम्वाङ्ग,सदस्यहरु वेद खरेल, विष्णु सुवेदी, न्यूयोर्क च्याप्टरका सभापति रोशन ढुङ्गाना, लङ्ग आईल्याण्डका सभापति विश्व वास्तोला लगायतका सहभागी थिए । एनआरएन एवं नागरिक अगुवाहरु मोहन वहादुर ज्ञवाली , साहित्यकार गिता खत्री, सहभागी थिए । रिजऊड सोसाईटीका अध्यक्ष रविकिरण कोईराला तथा टीम समेतको सहभागिता रहेको थियो ।
नेजाका क्षेत्रीय संयोजकहरु विश्वराज थापा , भुपेन्द्र थापा, कार्यकारी सदस्यहरु मधुकर अधिकारी, तेम्बा दोङ्गवा ह्योल्मो, सहित पूर्व पदाधिकारीहरु गीता पन्थ,सहदेव पौडेल, विजय पौडेल, दिनेश जङ्ग शाह,पत्रकारहरु केशर कार्की, मनोज घिमिरे,विष्णुहरि घिमिरे, विष्णु पौडेल, निमा पाख्रिन ,वालकृष्ण वस्नेत,अभिमा उप्रेती लगायतका सञ्चारकर्मीहरुले कार्यक्रमलाई सफल वनाउन विभिन्न तवरले समन्वय गरेका थिए । एनआरएन निर्वाचनमा विजयी उत्तर अमेरिकाका क्षेत्रिय संयोजक सोनाम लामा र न्युयोर्क स्थित नेपाली कलाकारहरुको साझा संस्था नेपाल अमेरिकन आर्टिष्ट एशोसिएसनका नवनिर्वाचित अध्यक्ष गायक सुमन वुढामगरलाई वधाई तथा सुभकामना प्रदान गरिएको थियो । हास्य कलाकार गजुरेलको भारतीय प्रधानमन्त्री नरेन्द्र मोदी वनेर गरिएको प्रहषण हेर्न शिख समुदायका अमेरिकाका चर्चित शिख नेता डा अमरजित सिंहको एक समुह र सम्वन्धित समुदायद्धारा सन्चालित टिभी ८४ मिडियाको पनि उपश्थिति रहेको थियो । कार्यक्रम सञ्चालन पवनकलीको नामले परिचय वनाएकी माम्पी घोष र सञ्चारकर्मी अनुज थापाले गरेका थिए ।
तस्वीर : विश्वराज थापा
No comments:
Post a Comment