खोटाङ, ८ फागुन । किरात राई यायोक्खा खोटाङले पत्रकारसहित सात जनालाई सम्मान गरेको छ ।
पत्रकारिताको माध्यमबाट किरात तथा गैरकिरातको संस्कार/संस्कृतिको उत्थानमा पुर्याएको योगदानको कदरस्वरुप पत्रकार रामधन राईलाई यायोक्खाले सम्मान गरेको हो ।
यायोक्खाले आफ्नो सातौँ जिल्ला अधिवेशनको अवसरमा शुक्रबार यायोक्खाका केन्द्रीय सदस्य जनक राईले पत्रकार राईलाई फेटा बाँधेर सम्मान गर्नुभएको छ ।
नेपाल पत्रकार महासङ्घ शाखा खोटाङका सदस्यसमेत रहनुभएका पत्रकार राई नेपाल टेलिभिजन, नेपाल समाचारपत्र, रुपाकोट सामुदायिक रेडियो, बिएफबिएस गोर्खा रेडियोलगायतमा आबद्ध हुनुहुन्छ ।
यायोक्खाले खेलकुद, कला, संस्कार/संस्कृतिका क्षेत्रमा योगदान पुर्याउने अरु महानुभावहरुलाई पनि सम्मान गरेको छ । जिल्लाको खेलकुद क्षेत्रमा योगदान पुर्याएको भन्दै नेपाल सितोरियो कराते सङ्घ खोटाङका अध्यक्ष सञ्जयकुमार राई, रिलुङहसुङ (संस्कार/संस्कृति ज्ञाता) लफ्याङका सिंहशेर राई, वेशभूषा संरक्षणकर्मी दिक्तेलकी विष्णुकुुमारी राई, रानोहँछा आर्टका सञ्चालक किशोर राई, दिक्तेलकी नछुङ धनशोभा राई र नछुङ लालबहादुर राईलाई सम्मान गरिएको यायोक्खाका सचिव युगसन किरातले बताउनुभयो ।
No comments:
Post a Comment