प्रेस चौतारी खोटाङ अध्यक्षमा आचार्य

खोटाङ, १८ फागुन । प्रेस चौतारी नेपाल खोटाङको अध्यक्षमा पुनः हरिबोल आचार्य चयन हुनुभएको छ ।

गएराति सम्पन्न चौतारीको १०औँ साधारणसभा तथा चौथो जिल्ला अधिवेशनबाट आचार्य सर्वसम्मतिमा अध्यक्षमा चयन हुनुभएको हो ।

पन्ध्र सदस्यीय समिति रहेको चौतारीको उपाध्यक्षमा युवराज रोइला, सहसचिवमा शर्मिला राई र सचिवमा सुनिता मगर चयन हुनुभएको छ ।

समितिको बैठकले कोषाध्यक्षको चयन गर्ने चौतारीले जनाएको छ ।

अधिवेशन व्यवस्थापिका–संसद्का सदस्य विशाल भट्टराई तथा चौतारीका केन्द्रीय सदस्य इन्द्रप्रसाद आचार्यको विशेष आतिथ्यतामा सोमबार उद्घाटन भएको थियो ।