रुकुम, १९ माघ । रुकुम जिल्लाको पुर्तिमकाँडा–४ का वीरबहादुर नेपालीको हत्यामा संलग्न छजनालाई रुकुम प्रहरीले पक्राउ गरी आज सार्वजनिक गरेको छ ।
जिल्ला प्रहरी कार्यालयले आज पत्रकारसम्मेलन गरी वीरबहादुरको हत्यामा संलग्न पुर्तिमकाँडा–४ का गङ्गे कामी, हस्ते कामी, पुने सुनार, सुके कामी, कालो कामी र रुद्रकला कामीलाई पक्राउ गरी सार्वजनिक गरेको हो ।
सो अवसरमा हत्यामा संलग्न विमला विक फरार रहेको जिल्ला प्रहरी कार्यालय रुकुमका प्रमुख प्रहरी नायब उपरीक्षक रुपेश खड्काले जानकारी दिनुभयो ।
कुखुरा चोरेको निहुँमा उनीहरूले घरायसी हतियार प्रयोग गरी यही माघ १० गते वीरबहादुरको हत्या गरी घर नजिकैकोे बारीमा फालेको अनुसन्धानबाट खुलेको उहाँले जानकारी दिनुभयो ।
No comments:
Post a Comment