बाल्टिमोरमा वर्ल्ड नेवा अर्गनाइजेसनको दोश्रो अधिवेसनको समुद्घाटन कार्यकम सम्पन्न

मार्च २६ ,अमेरिकाको म्यारिल्याण्ड राज्यको बाल्टिमोरमा वर्ल्ड नेवा अर्गनाइजेसनको दोश्रो अधिवेसनको समुद्घाटन कार्यक्रम झाकी प्रदर्शनको सुरुवात सहित भव्यताको साथ सम्पन्न भएको छ l

समुद्घाटन कार्यक्रममा नेपाली ,अंग्रेजी तथा नेवा समुदायको राष्ट्रिय गित बजाईएको थियो lकलाकार यज्ञ मान शाक्य तथा लोचनि तारा शाक्यले गणेश बन्धना तथा बासव राजोपाध्यायले स्वस्ति वाचनको साथै नेपालमा भूकम्पमा जीवन गुमाएकाहरुको लागि आत्माको शान्तिको कामना गर्नु भयो l

यस अधिवेसनको समुद्घाटन नेपाल बाट आउनु भएका प्रमुख अतिथिहरुमा सुन्दर के मल्ल तथाअमेरिकाका लागि नेपाली राजदुत डा अर्जुन कुमार कार्कीले गर्नु भएको थियो l

नेपाल बाट आउनु भएका सुन्दर के मल्लले मन्तब्य राख्दै नेवा समुदाय अल्पमतमा छ तर पनि हाम्रो पहिचान अद्वितीय र पृथक छ भन्नु भयो l यसमा हामी दुख छैन भन्नु भयो l यसै गरि राजदुत डा अर्जुन कुमार कार्कीले नेपाल सरकार तथा राजदुताबासको तर्फ बाट सफलताको शुभकामना दिदै नेवा समुदायले संस्कृति ,कला तथा भाषामा गरेको योगदानको सराहना गर्नु भयो l

नेपालबाट आउनु भएका राप्रापा नेपालका प्रवक्ता राजेन्द्र राम श्रेष्ठ ,म्यारिल्याण्ड राज्यका राज्यका सिनेटर ,डा ज्योति तुलाधर ,गोरखापत्रका प्रधान सम्पादक पुस्कर भक्त माथेमा ,म्यारील्याण्ड तथा पेनसेलभेनिया का लागि महा बाणिज्य दुत प्रेम राजा महतले शुभकामनाको साथै मन्तब्य राख्नु भएको थियो l

यसै गरि वर्ल्ड नेवा अर्गनाइजेसन अध्यक्ष डा बाल गोपाल श्रेष्ठले संस्थाका बारेमा जानकारी दिदै नेवा समुदायका बारेमा केहि कुरा राख्नु भएको थियो l वहा नेदरल्याण्ड बाट आउनु भएको हो l नेपाल आदिबासी जनजाती संघका अध्यक्षले लुइसाङ्ग वाइबाले शुभकामना सहित मन्तब्य राख्दै आफुले आज नेपालको पहिचानलाई सम्बोधन गरेको बताउनु भयो l

यसै गरि डब्लुएनओका महा सचिब डा नारायण राज भण्डारीले संस्थाको प्रतिबेदन प्रस्तुत गर्नु भएको थियो भने कोषाध्यक्ष स्वयम्भु तुलाधर पोर्चुगल संस्थाको आर्थिक प्रतिबेदन दिनु भएको थियो l

दोश्रो अधिवेसनको आयोजना वर्ल्ड नेवा अर्गनाइजेसनले डिसी महानगर क्षेत्रका नेवा समुदायका सशक्त तथा क्रियाशील नेपा पास पुचःअमेरिकाय(एनपीपीए) तथा नेवाः अर्गनाइजेसन अफ अमेरिका (एनओ ए ) को सहयोगमा भै रहेको छ l

कार्यक्रमको लागि करिब एघार वटा बिभिन्न मुलुकहरुमा क्यानडा ,रसिया ,नेपाल,बेल्जियम ,जापान ,कतार ,बेलायत, पोर्चुगल ,नेदरल्याण्ड ,भारत ,अस्ट्रेलिया तथा अन्य देशबाट सहभागीहरु आएका छन् l

दोश्रो वर्ल्ड नेवा अर्गनाइजेसनको तीन दिन सम्म चल्ने अधिवेसनमा हिजो मार्च २५ तारिख शुक्रबार अतिथिहरुको आगमन ,दर्ता प्रक्रिया ,भेटघाट तथा रात्री भोजनको कार्यक्रम गरिएको थियो l

वर्ल्ड नेवा अर्गनाइजेसनको पहिलो अधिवेसनको लन्डनमा २०११ मा भएको थियो भने २०१६ मा अमेरिकाको बाल्टिमोरमा दोश्रो अधिवेसन भै रहेको छ l

वर्ल्ड नेवा अर्गनाइजेसन दोश्रो अधिवेसनका प्रमुख संयोजक दयारत्न शाक्य तथा उप संयोजक सिजन श्रेष्ठले पनि मन्तब्य राखेका थिए l