नेपालको भूकम्पग्रस्त बिद्यालयको पुन:निर्माणका लागि डिसीमा सांस्कृतिक कार्यक्रम गरिने

डिसी महानगरी क्षेत्रको भर्जिनियामा नेपालका भत्किएका विध्यालयलाई सहयोग गर्ने उदेश्यले सांस्कृतिक कार्यक्रमको आयोजना गरिने भएको छ। आगामी अप्रील २३ तारिख शनिबार नेपालबाट आएका राष्ट्रिय कलाकारहरुले एक भव्य कार्यक्रमका वीच प्रदर्शन गर्ने भएका छन्।

भुकम्पबाट भत्किएका विध्यालयहरुको पुन:निर्माणका लागि सहयोग जुटाउने अभिप्रायले यो कार्यक्रम गरिन लागेको हो कार्यक्रममा नायक राजेश हमालको विशेष प्रस्तुती रहनेछ भने लोकप्रिय गायक राजेश पायल राईले भरपुर मनोरन्जन दिने छन्।

त्यसैगरी नायिका केकी अधिकारी, हास्य कार्यक्रम प्रस्तोता सन्दिप क्षेत्रीको समेत विशेष प्रस्तुती समेत रहने भएको जानकारी गैर आवासीय नेपाली संघ अमेरिका भर्जिनिया शाखाका सचिब कृष्ण भण्डारीले बताएका छन् l

मिति तय भएता पनि कार्यक्रम स्थलको जानकारीको साथै अन्य जानकारी शिघ्र संचार माध्यम द्वारा जानकारी गराईने भएको छ l ‘घाँसी नेपाल’ले आयोजना गर्ने यस कार्यक्रमलाई एनआरएन भर्जिनिया च्याप्टर लगायत नेपाली अमेरिकन कम्युनिटी र भर्जिनिया डिसी क्षेत्रमा सक्रियरुपमा क्रियाशिल सबै संघसंस्थाहरुको संयोजन र सहकार्य रहने बताईएको छ।