प्राकृतिक प्रकोपबाट एक हजार पाँच सयको मृत्यु

बेइजिङ्ग, १२ चैत ।चीनमा सन् २०११ देखि २०१५ सम्म भएको प्राकृतिक प्रकोपबाट प्रत्येक बर्ष एक हजार पाँच सय व्यक्तिको मृत्यु भएको नागरिक मामिला मन्त्रालयले बिहीबार जानकारी दिएको छ ।

सो प्रकोपबाट उक्त समयावधीको प्रत्येक बर्ष ३१ करोड व्यक्ति प्रभावित भएको जनाइएको छ ।

यसैगरी यस प्रकोपबाट प्रत्येक वर्ष ९० लाखभन्दा बढी व्यक्ति विस्थापित भएको बताइएको छ । यस प्रकोपका कारण ७ लाख घर ध्वस्त भएको जनाइएको छ ।

प्रत्यक्ष रूपमा पाँच बर्षभित्रमा यस प्राकृतिक प्रकोपबाट ५८.३ अर्ब अमेरिकी डलर बराबरको आर्थिक नोक्सानीे भएको जनाइएको छ ।

सन् २०११ देखि सन् २०१५ सम्मको समयमा भएको मानवीय हताहती सन् २००६ देखि २०१० को तुलानामा ९३ प्रतिशतले कमी आएको पनि जनाइएको छ ।