अमेरिकामा जन्मेका दोश्रा पुस्ताले आनी छोइङलाई फुलको आँखामा फूलै संसार सुनाए

अमेरिकाको भ्रमणमा रहेकी सुप्रख्यात गायिका आनी छोइङलाई अमेरिकामा जन्मेका दोश्रा पुस्ताले आनी छोइङलाई उनको सु प्रसिद्ध गीत फुलको आँखामा फूलै संसार सुनाएका छन् l अमेरिकाको डिसी महानगर क्षेत्रको भर्जिनियाको सेन्टरभिलमा नेपाली महिला स्वयम् सेवक द्वारा स्थापित गरिएको नेपाली पाठशालामा आनी छोइङ डोल्माले भ्रमणको क्रममा सोहि पाठशालामा अध्ययनरत बिद्यार्थीले सुनाएका हुन् l

व्यस्त समयको बाबजुद पनि समय निकालेर उक्त पाठशालामा आई केहि कुराहरु राख्दै आफुले बालबालिकाका लागि रचेको हाँसको बच्चाको गित सुनाईन l र उनले यसरि नेपाली भाषा र संस्कृतिको जगेर्ना गर्ने काम विदेशमा हुनु राम्रो हो भन्दै अभिभावकलाई बिसेष धन्यवाद दिएकी थिइन् l

कार्यक्रममा पाठशालाका प्रधानाचार्य बिष्णु खरेलले स्वागत गर्दै आनी लाई समर्पित गर्दै एउटा छोटो सदेश पढेर सुनाए l कार्यक्रममा आनीलाई खादा ओढाई स्वागत गरिएको थियो l कार्यक्रममा पाठशालाकि अध्यक्ष बिना लामा खड्का ,शिक्षक ,समाजसेवी तथा अभिभावकको घुईचो लागेको थियो l

गायिका आनी संग तस्बिर खिचाउन र उनको हस्ताक्षर लिन बालबालिका तथा अभिभावकको घुइचो लागेको थियो l उनको साथमा आज साँझमा हुने उनको एकल सांगीतिक प्रस्तुतिका आयोजक सुरेश सापकोटा पनि रहेका थिए l