चौतारा, १९ चैत । सिन्धुपाल्चोकको बाडेगाउँ गाविसमा आज अपराह्न जिप दुर्घटना हुँदा पाँच जना घाइते भएका छन् ।
गम्भीर घाइते जिप चालक राजन भुजेललाई उपचारका लागि काभ्रेपलाञ्चोकको धुलिखेल अस्पतालमा लगिएको छ । अन्य चार जना सामान्य घाइते भएको इलाका प्रहरी कार्यालयले जानकारी दिएको छ ।
जिल्लाको बाहुनेपाटीबाट बाडेगाउँ गाविसतर्फ जाँदै गरेको बा१च ९९२१ नंको बलेरो जिप वडा नं ४ स्थित जङ्गलको उकालोमा पुगेपछि ‘ब्रेक फेल’ भई सडकबाट करिब एक मि तल खसेर रुखमा अड्किएको प्रहरीले जनाएको छ । घाइते सबै सोही गाविस निवासी भएको थाहा भएको छ ।
No comments:
Post a Comment