बालककाल फूलको डाली मगमग चमेली
बितायौ दिन खेलेर खालि मगमग चमेली
भाग्यको रेखा कोरियो साथि छुट्टियौ बिचैमा
समय कस्तो रहेछ जाली मगमग चमेली
कहा छौ तिमि के गर्छौ दिन बित्दछ कसोरी
बगैंचा कस्को सजायौ माली मगमग चमेली
ति दिन फेरी फर्कियुन भनि कल्पना गरेर
बोकेर हिड्छु पुजाको थालि मगमग चमेली
चाहे म डुलु समुद्रपारि कि खेलु आँगनमा
समंझु तिम्रै ओठ को लाली मगमग चमेली
सबैलाई भन बन्धकीमा छ यो माया भनेर
पक्का नै आउछु म येसपाली मगमग चमेली
रचौला राम्रो संसार हाम्रो यी दुख बिर्सेर
नचाउला भुरो पिटेर तालि मगमग चमेली
No comments:
Post a Comment