काठमाडौं, १२ असार । प्रमुख विपक्षी दल नेपाली कांग्रेसको अबरोधका कारण स्थगित भएको संसदको बैठक आज पुनः बोलाइएको छ ।
नयाँ बानेश्वरस्थित अन्तर्राष्ट्रिय सम्मेलन केन्द्रमा बिहान ११ बजेका लागि बोलाइएको सदन बैठकमा आर्थिक वर्ष २०७३/७४ को विनियोजन विधेयकमाथि छलफल हुने कार्यक्रम छ । छलफलमा सांसदहरूले भाग लिँदै आएका छन् ।
उता, विपक्षी दल कांग्रेसले भूकम्पपीडितहरूलाई एकमुष्ट दुई लाख रुपियाँ दिनुपर्ने अडानसहित आजको बैठक पनि अबरोध गर्ने चेतावनी दिएको छ । कांग्रेसले नियमावली संशोधन गरेर भूकम्पपीडितहरूलाई घर बनाउन एकमुष्ट रकम दिनुपर्ने माग राखेको हो ।
प्रधानमन्त्री ओलीले कांग्रेसको माग जायज नरहेको भन्दै अघिल्लो सरकारका पालामा बनेको नियमावलीले दुई लाख दिन नसकिने बताउँदै आउनुभएको छ ।
No comments:
Post a Comment