अमेरिकाका यहूदी बिद्यालयमा बमको आतंक

डिसी ,फेब्रुअरी २७ ,अमेरिकाका विभिन्न राज्यमा संचालनमा रहेका यहूदी बिद्यालयहरुमा सोमबार बिहान बमको आतंक मच्चिएको छ l डिसी क्षेत्रका केहि बिद्यालय तथा अमेरिकाका केहि बिद्यालयहरुलाई बम को धम्कि प्राप्त भएको खबर बिद्यालयले प्रहरीलाई जानकारी दिएका थिए l

फेयर फ्याक्स को गेसर जेविश डे स्कुल तथा रकभिलको चार्ल्स ई स्मिथ जेविश डे स्कुल नामक बिद्यालयलाई बमको धम्कि दिइएको थियो l प्रहरीले अनुसन्धान का लागि राखिएका जासुसी कुकुरको सहायताले खोज तलास गरे पछि कुनै त्यस्तो सामग्री नपाइएको जनाएको छ l

यसै गरि ठिक एक घण्टा पछि मेरिल्याण्ड राज्यको बाल्टिमोर शहर तथा एनापोलिस शहरमा पनि बेग्ला बेग्लै धम्कि प्राप्त भएको प्रहरीले जनाएको छ l जेविश सेन्टर अफ ग्रेटर बाल्टिमोरले जनाए अनुसार ओविङ्ग्स मिल्स क्याम्पसको जस्तै बम को धम्की प्राप्त गरेको जानकारी दिएका छन् l यसै गरि एलेफ बेट जेविश डे स्कुल नामक बिद्यालयलाई पानि धम्कि आएको एनापोलिस प्रहरीले जनाएको एनबिसी वाशिंगटनले लेखेको छ l

गत महिना देखि यहूदी समुदायलाई धम्कि आउने क्रम वृद्धि भएको छ भनि एनापोलिस प्रहरीका प्रमुख स्कट बेकरले जानकारी दिएका छन् l हामीहरु यस्ता धम्कि प्रति गम्भीर छौ र पहिचान गर्ने काम मा हामी लागि परेको बताएका छन् l

जेसीसी एसोसिएसन अफ नर्थ अमेरिकाले यहूदी समुदाय तथा दिवा बिद्यालयमा कम्तिमा एक दर्जन जति बम को धम्कि प्राप्त भएको जानकारी दिएका छन् l बम को आतंक भएता पनि कहिँ पनि बम (गोल बारुद ) नभेटिएको जानकारी संघले दिएको छ l

नया बर्ष २०१७ देखि अहिले सम्म पाचौ बम धम्कि यहूदी समुदाय तथा यहूदी संस्थाको बिरुद्ध भएको हो l यहूदी समाधिस्थल मा रहेका ठुला ढुंगाहरु क्षति बनाए पछि बम को धम्कि आउन थालेको हो l गत हप्ता सेन्ट लुईसमा झन्डै २ सय वटा समाधि स्थलका ढुंगाहरु भुइमा झारिएका र भत्काईएका थिए l

यसै गरि गत आईतबार फिलाडेल्फियामा झन्डै एक सय जति ढुंगाहरु भत्काईएका थिए l
तस्बिर :एनबिसी वाशिंगटन/एपी