भर्जिनिया बाट हराएका किशोरी आमा तथा दुधे बालक सकुशल घर फर्के

झन्डै एक महिना अगाडी देखि अमेरिकाको भर्जिनिया राज्यको फेयर फ्याक्स काउन्टीबाट हराएका किशोरी आमा तथा दुधे बालक सकुशल घर फर्केको ताजा समाचार छ l आमा छोरा गत फेब्रुअरी ११ तारिख राती आफ्नो घर फर्केको प्रहरीले जनाएको छ l

प्रहरीका अनुसार १६ बर्षिय आमा लिजि कोलिनडर्स तथा उनको साथमा रहेको ५ महिनाको बालक ऐडेन दुवैको स्वास्थ्य स्थिति राम्रो रहेको प्रहरीले जनाएको छ l किशोरी आमा कोलिनडर्स तथा बालक ऐडेन गत राती शनिबार फेब्रुअरी ११ तारिख मध्य रात भन्दा केहि अगाडी घर आएको प्रहरीले जानकारी दिएको एनबिसी वाशिंगटनले समाचार लेखेको छ l

तर प्रहरीले आमा र छोरा यतिन्जेल कहाँ थिए भन्ने बारेमा कुनै सूचना प्रदान गरेको छैन l प्रहरीहरु उनका परिवारका सदस्यहरु संग काम गरि रहेका र चाहिने आवश्यक सहयोग गरि रहेको जनाएका छन् l अमेरिकामा यसरी हराए पछि पुन: भेटिनु भनेको सम्भावना एकदम कम रहन्छ l भेटिने समाचार पनि आई रहन्छ तर अधिकांश अप्रिय दुखद घटना घट्ने हुन्छ l

स्रोत: तस्बिर /समाचार एनबिसी वाशिंगटन