रौतहटमा सिके राउतका जिल्ला संयोजकसहित नौ कार्यकर्ता पक्राउ

 

सिके राउतलाई रिहा गर्नुपर्ने लगायतको मागसहित जुलुस निकाल्ने तयारीमा रहेको अवस्थामा राउतको पार्टीको रौतहट जिल्ला संयोजकसहित नौजना कार्यकर्तालाई पक्राउ गरिएको छ । जुलुस निकाल्ने तयारीमा रहेका कार्यकर्ताहरुलाई गरुडा नगरपालिकाको झाँझपुलबाट पक्राउ गरिएको रौतहटका प्रहरी प्रवक्ता डिएसपि नवीनकृष्ण भन्डारीले बताएका छन् । पक्राउ पर्नेमा जिल्ला संयोजक अशोक कुमार सिंह, सहसंयोजक वीरेन्द्र साह, जिल्ला सदस्य रामाकान्त ठाकुर, राजुप्रसाद यादव, रकटु राय यादव, अशोक कुमार साह, श्यामकिशोर यादव, अजय कुमार ठाकुर र राजकिशोर साह रहेका छन् ।