ड्यालस गोर्खाज फूटबल क्लव बिश्व कै उत्कृष्ट रंगशालामा ड्यालस क्रूज एजुल एफसी बिरुद्ध मैत्रीपूर्ण खेल संग खेल्ने

अमेरिकाको टेक्सस राज्यको ड्यालसमा स्थापना भएको ड्यालस गोर्खाज फूटबल क्लवले एक मैत्रीपूर्ण खेल ड्यालस क्रूज एजुल फूटबल क्लव बिरुद्ध खेल्ने भएको छ l आगामी मे १४ तारिखका दिन ड्यालस स्थित एटिएनटि स्टेडियम (रंगशाला) मा मैत्रीपूर्ण खेल खेल्ने अवसर प्राप्त गरेको छ l मैत्रीपूर्ण खेल खेल्ने भए पछि यस भेकका नेपाली समुदाय उत्साहित देखिएका छन् l

सन् २००९ मा स्थापना भएको उक्त ड्यालस गोर्खाज फूटबल क्लव स्थापना काल देखि नै व्यवसायिक रुपमा खेल खेल्दै आएको छ l क्लवले अमेरिकामा स्थानीय,क्षेत्रीय तथा राष्ट्रिय स्तर को खेल नेपाली समुदायको साथै अन्य प्रतियोगितामा सहभागी जनाउदै आएको छ l

विश्व कै उत्कृष्ट अत्याधुनिक प्रविधि द्वारा निर्मित उक्त एटिएनटि रंगशाला त्यतिकै हेर्न लायक रहेको छ l हेर्न मात्र दस्तुर तिरेर जानु पर्ने रंगशालामा नेपाली समुदायको प्रतिनिधित्व गर्दै नेपाली भकुण्डो टोलि सहभागी हुन् पाउनु नै गर्व लाग्ने खेलाडी विनोद बिष्टले ईनेप्लिजलाई बताए l

१ लाख ५ हजार दर्शक अटाउने उक्त रंगशाला पूर्व काउब्वाईज रंगशालाको नामले सुप्रसिद्ध छ l उक्त खेल हेर्न नेपाली समुदायको उत्साहजनक रहने आशा गरिएको छ l गत बर्षमा यहि रंगशालामा खेल्ने अवसर पाएका ड्यालस गोर्खाज फूटबल क्लवले यस पटक राम्रो प्रदर्शन गर्ने अपेक्षा गरिएको छ l

गत बर्ष पनि नेपाली दर्शकको राम्रो सहभागिता रहेकोले यस पटक पनि क्लबले सवै नेपाली समुदायलाई सहभागी हुन् अनुरोध समेत गरेको छ l ड्यालस गोर्खाज फूटबल क्लवमा अमेरिकामा जन्मेका र अमेरिकामा हुर्केका नेपाली मूलका दोश्रो पुस्ताका होनहार यूवा खेलाडीहरु रहेका छन् l