चन्द्रौटा (कपिलवस्तु), ३० चैत । कपिलवस्तुको शिवराज नगरपालिका–१० शीतलपुरमा आज बिहान आगलागी हुँदा ५९ घरगोठ जालेर नष्ट भएका छन् ।
स्थानीय मन्नन मियाको घरबाट लागेको आगोले बसर मियाँ, मन्सुर मियाँ, सत्यनारायण यादवलगातको घर जलेको प्रहरीले जनाएको छ ।
आगलागीमा स्थानीय सीताराम लोनिया घाइते भएका छन् भने स्थानीयवासीका २५ बाख्रा समेत मरेका छन् ।
आगलागी कपिलवस्तु नगरपालिका र कृष्णनगर नगरपालिकाको दमकल, नेपाल प्रहरी, शसस्त्र प्रहरी स्थानीयवासीको सहयोगमा दिउँसो ३ बजे नियान्त्रणमा लिइएको थियो ।
यसैबीच आजै प्रमुख जिल्ला अधिकारी विष्णुप्रसाद ढकालसहितको टोली आलागी भएको स्थान पुगी तत्कालका लागि प्रत्येक पीडित परिवारलाई रु १० हजारका दरले राहत दिने प्रतिबद्धता जनाउनुभयो ।
No comments:
Post a Comment