नेपालको छात्रवृति को लागी अमेरिका नेपाल महिला संघको यार्ड सेल (आगन बिक्रि) सफलता पूर्वक सम्पन्न भएको छ l अमेरिकाको डिसी महानगर क्षेत्रमा महिला समूहको क्रियाशील सामाजिक सँस्था आन्वाले गत अप्रिल २९ तारिख शनिबार भर्जिनियाको सेन्टरभिल मा यार्डसेल (आँगन बिक्रि ) गरेको थियो
बार्षिक रुपमा दुई पटक आगन बिक्रि गर्दै आएको आन्वाले २०१७ मा पहिलो चरणको कार्यक्रम सकेको छ भने अर्को चरणको आँगन बिक्रि मेरिल्याण्ड तर्फ गर्ने बुझिएको छ l नेपालका जेहेन्दार ,गरिव तथा आर्थिक कम्जोर भएका बिद्यार्थीहरुलाई आन्वाले छात्रवृति प्रदान गर्दछ l भर्जिनियाको सेन्टरभिलमा बिहान ८ बजे देखि दिउसो १ बजे सम्म यार्डसेल (आँगन बिक्रि ) राखेको थियो l
न्युनतम दरमा बेच्न राखिएका सामानहरू बिशेष लुगा ,जुत्ता ,गर गहना ,माला ,हार ,कलाकृतिका सामग्री तथा अन्य सामानहरु बिक्रिमा राखिएको जानकारी संस्थाकी पदाधिकारी सरला पाण्डे ले दिईन l र घर बाट लगिएका लुगाफाटा समानहरु फिर्ता ल्याउनु नपरेको पाण्डेले बताइन l र उक्त आँगन बिक्रिमा पाण्डेलाई साथ दिन संस्थाकि क्रियाशील सदस्य भवानी शर्मा रहेकी थिइन् भने शर्माले उठेको केहि रकम समाज सेवामा जाने बताईन l
समान बिक्रि भए पछि को खुसि हुँदाको क्षण
No comments:
Post a Comment