गैरआवसीय नेपाली संघ अमेरिका राष्ट्रिय समन्वय परिषद्को युवा संयोजकमा सोमनाथ हुमागाईं (सुमन) को उम्मेदवारी घोषणा

गैरआवसीय नेपाली संघ अमेरिकाको निर्वाचनको मिति नजिकिँदै जाँदा विभिन्न पदहरुमा उम्मेदवारी घोषणा पनि सुरु भएको छ । हालै गैरआवसीय नेपाली संघ अमेरिका राष्ट्रिय समन्वय परिषद्को युवा संयोजकमा सोमनाथ हुमागाईं (सुमन) ले आफ्नो उम्मेदवारी घोषणा गरेका छन् ।

राष्ट्रिय समन्वय परिषद् अन्तर्गत अमेरिकामा रहेका पन्द्र च्याप्टरमध्ये सबैभन्दा ठूलो न्यूयोर्क च्याप्टरमा युवा संयोजकको जिम्मेवारी पूरा गरिसकेका हुमागाईंले अहिले राष्ट्रिय युवा संयोजकमा आफ्नो उम्मेदवारी प्रस्तुत गरेका हुन् । हुमागाईँ न्यूयोर्क च्याप्टरको युवा संयोजक हुँदा नेपालमा विनाशकारी भूकम्पले ८ हजार भन्दा बढी मानिसको ज्यान लिएको थियो । सो बेला आपतमा परेका नेपालीहरुका लागि सहयोग संकलन, राहत संकलन, वितरण आदि कार्यमा हुमागाईंले महत्वपूर्ण योगदान दिएका थिए ।

अमेरिकामै पनि उनले विभिन्न समस्यामा परेका नेपालीहरुको बसोबासलाई सहज बनाउन अमेरिकी सरकारलाई घचघच्याउन, नेपालीहरुको हितका लागि बहस पैरवी गर्न हुमागाईं क्रियाशील छन् । हुमागाईंको यस्ता योगदानले राष्ट्रिय युवा संयोजकको पदमा परेको उनको उम्मेदवारीको औचित्य पुष्टि हुन्छ । सात वर्षअघि अमेरिका पुगेका हुमागाई मोरङका हुन् ।
हाल अमेरिकामा करिव २ लाख ७० हजार नेपालीहरुको बसोबास छ भने गैर आवसीय नेपाली संघ अमेरिकाको निर्वाचनमा यसपटक १४ हजारको हारा-हारी मतदाता छन र मतदान भने अनलाईनमार्फत हुनेछ ।