चुडामणि शर्मालाई सात दिन थुनामा राख्न विशेष अदालतको आदेश

काठमाडौं, २१ जेठ । विशेष अदालतले भ्रष्टाचारको अभियोगमा पक्राउ परेका आन्तरिक राजश्व विभागका महानिर्देशक चुडामणि शर्मालाई सात दिनको म्याद थप गरेको छ ।

उच्च सुरक्षा घेरामा शर्मालाई आइतबार म्याद थपका लागि विशेष अदालतमा ल्यागिएको थियो । विभागका महानिर्देशक शर्माले आफूले विद्यमान ऐन नियममा उल्लेखित व्यवस्था अनुसार विधि सम्मत काम गरेको दाबी गरे ।

उनले आफूमाथि लागेको आरोप कर फछ्र्यौट आयोगको विधि निर्माण गर्ने संसद र सरकारको अपमान भएको प्रतिक्रिया दिए ।

भ्रष्टाचारको आरोपमा शर्मालाई शुक्रबार कार्यालय समयमा लाजिम्पाटस्थित आन्तरिक राजश्व विभागबाट नै अख्तियारको टोलीले नियन्त्रणमा लिएको थियो ।