सगुनले मिनि आइपीओ अन्तर्गत खुल्ला गरेको दोश्रो चरणको स्वमत्वि शेयर विक्री कार्यक्रम नोभेम्बर ३० तारिक देखि बन्द गर्दैछ । यसै सिलसिलामा सगुनका सहसंस्थापक कविन्द्र सिटौलाले विश्वभर रहेका नेपाली समुदायलाई सगुनको अभियानमा हातेमालो गर्न आह्वान गरेका छन् । सगुनको स्थापना विज्ञान र प्रविधिको क्षेत्रमा विश्वमा आएको तिब्र परिवर्तनमा सहभागि हुंदै सो परिवर्तनको नेतृत्वमा हामी पनि आउनुपर्छ भन्ने अठोटका साथ गरिएको र नेपालीहरुको इनोभेटिभ आइडियालाई संसारमा चिनाउदै हरेक नेपाली भाषिहरुलाई सम्बृद्ध बनाउने साझा प्लाटफर्म भएको कुरा सन्देषमा व्यक्त गरेका छन् ।
भिडियो सन्देश मार्फत गरिएको आह्वानमा सिटौलाले भनेका छन् –‘सगुनको स्थापना कुनै इमोन्सनल निर्णय थिएन बरु लामो समयको अध्ययन, अनुसन्धान कोसिस र भविष्यमा हुने परिवर्तन र चुनौतिलाई मध्यनजर गरेर अरु भन्दा फरक आइटी, सामाजिक सञ्जाल र सोसियल कमर्शको एकिकृत प्लाटफर्मकोरुपमा स्थापना गरिएको हो ।’
सन् २०१४ देखि शुरु गरेको सगुनले यसै वर्षको शुरुमा अमेरिकाको सेक्युरिटिज् एण्ड एक्सचेञ्ज कमिसनबाट जब्स एक्ट २०१२ अन्तर्गत मिनि आइपीओको अनुमति प्राप्त गरेको थियो र सोहि प्रावधान भित्र रहेर आफ्नो स्वामित्व शेयर विक्री खुल्ला गरेको छ । दोश्रो चरणको शेयर विक्री समयको अन्त्य तिर आइपुग्दा सिटौलाले सगुनको भिजन र अभियान सफल हुने कुरामा विश्वस्त रहेको जनाएका छन् ।
‘विश्वभरि छरिएर रहेका नेपालीहरुको सहभागिता, विश्वास, साथ र प्रेरणा प्राप्त भइरहेको; लगनशील तथा अनुभवि प्राविधिक समूह रहेको; विश्वमा स्थापित कम्पनीका अनुभवि विज्ञहरु सगुनको भिजन प्रति आकर्षित भएर आएका र आउने क्रम जारी रहेको; र सगुनले ल्याउन लागेको सोसियल स्मार्ट कार्डले विश्वको सोसियल मिडिया तथा इकमर्शको क्षेत्रमा नयाँ क्रान्ती ल्याउन सक्ने भएकोले सगुनको सफलतामा विश्वस्त छौं ।’ सिटौलाले सन्देशमा भनेका छन् ।
त्यसैगरि सगुनलाई विश्व बजारमा ल्याउन विश्वका धेरै जनसंख्या भएका देश मध्ये भारतमा प्राविधिक केन्द्र तथा कार्यालय स्थापना गरेको; नेपालमा समेत कार्यालय स्थापना गरिएको जनाएका छन् ।
भिडियो सन्देशमा सिटौलाले भनेका छन् – प्रत्येक नेपालीको पहिचान र सम्बृद्धिलाई उचो बनाउने यो अभियान एउटा नेपालीले शुरु गरेको हो र यो अभियानलाई सवै नेपालीको अभियान बनाऔ; भविष्यमा आउने परिवर्तनको कारण बनौँ; र सवैले हातेमालो गरौँ ।
सगुनका सहसंस्थापक कविन्द्र सिटौलाको आह्वान सहितको भिडियो ः
सगुन सहसंस्थापकको अाव्ह्मान – (भिडियो)http://bit.ly/2kahDkl
Posted by Sagoon on Wednesday, November 29, 2017
No comments:
Post a Comment