३२ जिल्लाबाट ३७ प्रतिनिधिसभा सदस्य, ७४ प्रदेशसभा सदस्य तथा समानुपातिक निर्वाचनका लागि आज सम्पन्न निर्वाचन सन्तोषजनक रुपले सम्पन्न भएको ठहर गरेको छ l
काहुरास्ट नेपाल को महासचिव मीना शर्मा द्वारा जारि गरिएको संचार छापा बिज्ञप्तिमा मानवअधिकार तथा सामाजिक रुपान्तरण अभियान (काहुरास्ट) नेपालले आज मिति २०७४ साल मंसिर १० (२०१७ नोभेम्बर २६) गते प्रतिनिधिसभा र प्रदेशसभा सदस्यका लागि सम्पन्न पहिलो चरणको निर्वाचनको अनुगमन गरेको उल्लेख गरेको छ । काहुरास्ट नेपालद्वारा आज मतदानका दिन गरिएको पर्यवेक्षणको प्रारम्भिक रिपोर्टलाई समावेश गरी प्रेस वक्तव्य जारी गरेको बताएको छ l
(काहुरास्ट) नेपाल को छापा विज्ञप्तिको पूर्ण पाठ जस्ताको त्यस्तै :
३२ जिल्लाबाट ३७ प्रतिनिधिसभा सदस्य, ७४ प्रदेशसभा सदस्य तथा समानुपातिक निर्वाचनका लागि आज सम्पन्न निर्वाचन सन्तोषजनक रुपले सम्पन्न भएको ठहर गरेको छ l
काहुरास्ट नेपाल को महासचिव मीना शर्मा द्वारा जारि गरिएको संचार छापा बिज्ञप्तिमा मानवअधिकार तथा सामाजिक रुपान्तरण अभियान (काहुरास्ट) नेपालले आज मिति २०७४ साल मंसिर १० (२०१७ नोभेम्बर २६) गते प्रतिनिधिसभा र प्रदेशसभा सदस्यका लागि सम्पन्न पहिलो चरणको निर्वाचनको अनुगमन गरेको उल्लेख गरेको छ । काहुरास्ट नेपालद्वारा आज मतदानका दिन गरिएको पर्यवेक्षणको प्रारम्भिक रिपोर्टलाई समावेश गरी प्रेस वक्तव्य जारी गरेको बताएको छ l
आज बिहान ७ बजेदेखि बेलुकी ५ बजेसम्म मतदानमा सहभागी मतदाताहरु धैर्यतापूर्वक लाइनमा बसी सहभागी रहेको पाइयो । बृद्ध, महिला तथा असक्तहरुको उपस्थिति पनि उत्साहप्रद देखियो । तर केही ठाउँका मतदान केन्द्रहरु अपाङ्गमैत्री भएको देखिएन ।
चुनाव बिथोल्ने नियतले अज्ञात समूहले चुनाव प्रचारप्रसारका क्रममा केही ठाउँमा उम्मेदवारहरुलाई नै निशाना बनाएर हिंसाको घटना घटाइएका थिए भने कतिपय ठाउँमा कार्यकर्ताहरुबीच झडपका घटना पनि भए । आज निर्वाचनकै दिन पनि मतदातालाई आतंकित पार्ने किसिमले गोरखा, बाग्लुङ, ताप्लेजुङ, बझाङ, ओखलढुंगा, दोलखा, सिन्धुपाल्चोकका केही मतदान केन्द्रमा केही घटना हुँदा केही समयसम्म स्थिति असहज बनेको थियो ।
रुकुम पश्चिमको बाफिकोट गाउँपालिका वडा नं ५ को रत्न मावि ‘क’ मतदान केन्द्रको प्रतिनिधिसभाको मतपेटीकामा र सोही जिल्लाको आठबीसकोट नगरपालिका वडा नं ११ स्थित राष्ट्रिय मावि गत्तसैना ‘ख’ मतदान केन्द्रको समानुपातिक मतपेटिकामा एसिडका कारण आगलागी भएका कारण मतदान कार्य स्थगित भएको छ । मतदान बिथोल्ने नियतबाट भएका यस्ता गतिविधिका बाबजुद समग्रमा निर्वाचन सफलतापूर्वक सम्पन्न भएको उक्त छापा बिज्ञप्तिमा जनाएको छ ।
तीनवटा मतपेटीकामा मतपत्र खसाल्नु पर्दा केही समय लागेको भए पनि मतदाताले आफ्नो अधिकारको प्रयोग गर्न सकेको देखियो । निर्वाचन सफलतापूर्वक सम्पन्न हुनुमा सुरक्षाको व्यवस्था, निर्वाचन तयारी र व्यवस्थापन सन्तोषजनक रहेको पाइयो । पहिलो चरणको निर्वाचन सफलतापूर्वक सम्पन्न हुनुले यहि मंसिर २१ गते हुने दोस्रो चरणको निर्वाचन पनि सफलतापूर्वक सम्पन्न हुने अपेक्षा गर्न सकिन्छ ।
२०७२ मा जारी संघीय संविधानको कार्यान्वयन र लोकतन्त्रको संस्थागत विकास गर्ने क्रममा भएको यो निर्वाचनले नेपाली जनताको अधिकार स्थापना गर्न सहयोग पुग्दछ भन्ने हामीलाई लागेको छ ।
निर्वाचन सम्पन्न गराउन महत्वपूर्ण भूमिका निर्वाह गर्ने निर्वाचन आयोग लगायतका सम्बन्धित निकायहरु, राजनीतिक दल, उम्मेदवार, नागरिक समाज, पे्रस एव सम्बन्धित सबैमा काहुरास्ट हार्दिक आभार व्यक्त गर्दछ ।
No comments:
Post a Comment