गुञ्जानगर, चितवन, डिसेम्बर २४, २०१७ – अमेरिकाको आयोवा राज्यमा बसोबास गर्दै आउनु भएका कम्प्युटर ईन्जिनियर तथा सफल ब्याबसायी राधेश पण्डितको प्रयास र प्रायोजकमा बिरेन्द्र बहुमुखी क्याम्पस भरतपुर चितवनमा साईबर सेक्युरिटी ईन्टरन्यासनल द्वारा साईबर अपराध र सुरक्षा सम्बन्धी प्रयोगातमक प्रशिक्षण संञ्चालन गरिएको छ । क्याम्पसका सबै बिषयमा अध्ययनरत बिद्यार्थीहरुलाई लक्षित गरि उक्त कार्यक्रम सञ्चालन गर्न लागिएको हो २ चरण गरि सुरु गरिएको उक्त कार्यक्रममा करिब १५० बिद्यार्थीहरुको सहभागिता रहेको थियो ।
कार्यक्रमको पहिलो दिन प्रमुख अतिथी क्याम्पस प्रमुख गोबिन्द सापकोटले गर्नु भएको थियो भने बिद्यार्थीहरुसंग प्राध्यापक मिलन सर्माले समन्वय गर्नु भएको थियो । कार्यक्रमको सुरुमा प्रमुख अतिथी क्याम्पस प्रमुख गोबिन्द सापकोटाले सहभागि बिद्यार्थीहरुलाई साईबर अपराधको न्युनिकरण अहिलेको आबश्यकता रहेको र यो कार्यक्रमलाई अमेरिका देखि क्याम्पस सम्म लैजान प्रयास र प्रायोजक गर्नुहुने राधेश पण्डित ज्युलाई धन्यवाद दिनु भएको थियो ।
प्रमुख अतिथीको मन्तब्य पछि प्रायोजक राधेश पण्डितले अमेरिकाबाट पठाउनु भएको भिडियो सन्देशबाट सुरु गरिएको थियो । सन्देशमा पण्डितले हामिले प्रयोग गर्ने प्रबिधीहरु साधारहण जस्तो लागे पनि त्यो साधाहरण नभएको र प्रयोगकर्ताले प्रयोग गर्दा सुरक्षित भएर चलाउनु पर्ने भन्दै साईबर सुरक्षाको प्रशिक्षणले बिधार्थीहरुलाई फाईदा पुर्याउने कुराको जानकारि दिनु भएको थियो ।
साईबर सेक्युरिटी ईन्टरन्यासनलका संस्थापाक प्राध्यापक डा. रामहरि सुबेदी लगायत संस्थाका अन्य सदस्यहरु प्रशिक्षक पुजा गुरुङ्ग, मनिशा रानाभाट र मन्जु मगरले साईबर अपराध र सुरक्षाको उपायहरु बारे सहभागि बिद्यार्थीहरुलाई २ चरण गरि करिब ६ घण्टासम्म प्रशिक्षण दिएका थिए । कार्यक्रमको अन्तमा सहभागि बिद्यार्थीहरु र प्राध्यापक मिलन सर्माले कार्यक्रम अत्यन्तै प्रभाबकारी रहेको प्रतिकृया दिएका थिए ।
सन २०१५ देखि साईबर सेक्युरिटी ईन्टरन्यासनलले साईबर अपराध र सुरक्षा सम्बन्धी नेपालका २०० भन्दा बढि प्रशिक्षणहरु संञ्चालन गरि सकेको छ भने उक्त कार्यक्रमबाट करिब २५,००० (पच्चिस हजार) भन्दा बढि सहभागिहरु लाभान्वित भैसकेका छन । नेपालमा मात्र नभै क्यानडा र अमेरिकाको बिभिन्न राज्यहरुमा पनि यो कार्यक्रम संञ्चालन गरिएको छ ।
सहभागि बिद्यार्थीहरुको नामावली यसप्रकार रहेको छ ।
No comments:
Post a Comment