राष्ट्रपति ट्रम्प ले विविधता चिट्ठा(डिभी) खारेज गर्ने पक्षमा ,निकटतम परिवारलाई मात्र अमेरिका झिकाउन मिल्ने संकेत

अमेरिकाका राष्ट्रपति डोनाल्ड ट्रम्पले गत जनवरी ३० तारिख पहिलो पटक काँग्रेस र सिनेटको संयुक्त सदनलाई सम्बोधन गरेका छन् l उनले अमेरिकाको अर्थ तन्त्र बलियो तथा बेरोजगारी को अवस्था ऐतिहासिक रुपमा सफल रहेको चर्चा गरे l

उनले अन्य गहकिलो सारगर्भित मनतब्य राख्दै अन्य मुलक सहित नेपालले प्राप्त गरि रहेको विविधता चिट्ठा(डिभी) खारेज गर्ने पक्षमा जोड दिएका छन् l त्यसको साथै उनले अर्को महत्वपूर्ण मन्तब्य राख्ने क्रममा अमेरिकाको नागरिकता लिए पछि अन्य सदस्यहरुलाई अमेरिका झिकाउन पाउने सम्बन्धमा समेत बिशेष चर्चा गरे l

उनले भने अब त्यो परिवारलाई बोलाउन आफ्नै नजदिकका परिवार तथा सानो उमेरका बालबालिकालाई मात्र झिकाउन दिने मन्तब्य कै क्रममा आफ्नो धारणा राखे l

अमेरिकाको नागरिकता लिए पछि आमा बुवा ,छोराछोरी ,दाजुभाई ,भतिज/भतिजी भान्जा/भान्जी तथा अन्यलाई समेत झिकाउन पाइने प्रणालीमा भएकोले अब उप्रान्त नजदिक का लाई मात्र झिकाउन पाइने संकेत दिएका छन् l उनले सिक्री प्रणालीको कारण एक परिवार ले अर्को परिवार का सदस्यलाई ल्याउन पाउने पद्धतिलाई समाप्त पर्नु पर्ने विचार राखेका छन् l

उनले यसको कारण हालसालै अमेरिकामा यसरी अमेरिका नातेदार बोलाइएका बाट आतंकबादी हमला भएको कारण यसो चर्चा गरे l अमेरिकाको नागरिकता लिए पछि नेपालीहरुले आफ्ना नातेदार बोलाउन पाउने छन् l तर त्यसो लागि १० देखि १२ बर्ष सम्म कुर्नु पर्ने हुन्छ भने अन्य देश फिलिपिन्स र मेक्सिको का नागरिकलाई कम्तिमा २० बर्ष सम्म पनि पालो पर्खनु पर्ने हुन्छ l

अमेरिकाले नजदिकका नातेदारहरुमा पति/पत्नी ,बुवाआमा ,हजुरबुवा/हजुर आमा ,बालबालिका ,नातिनातिनी ,दाजुभाई,दिदि बहिनि ,सासु ससुरा ,ज्वाई /बुहारी तथा धर्मपुत्र /धर्मपुत्री लाई मानिन्छ भनि उल्लेख गरेको छ l

यसको साथै राष्ट्रपतिले आप्रवासी सुधार चार खम्बा (पिलर)का आधारमा गरिनु पर्ने बताए । ४ खम्बामा नाबालक हुदां गैरकानुनी रूपमा अमेरिका छिरेका योग्य सपना देख्ने लाई १२ वर्षमा नागरिकता प्रदान गर्ने , पर्खाल लगाउने, बिबिधता चिट्ठा डीभी जस्तो पुरानो म्याद गुज्रिई सकेको कार्यक्रमबाट विदेशी ल्याउने र परिवारका सदस्यले अन्यलाई ल्याउन पाउने सिक्री प्रणाली बन्द गर्नु पर्ने बताए ।

उनले ३ दशकको गलत आप्रवासी नीति सुधार गर्न काँग्रेसको सहयोगको अपेक्षा गरेका छन् भने ईरान ,उत्तर कोरिया को बारेमा चर्चा समेत गरेका छन् l उनले इजरायलको राजधानी जेरु सेलमलाई प्रस्ताव राख्दा अन्य देशले विपक्षमा मत हाल्ने राष्ट्रहरुलाई आर्थिक सहयोग मा कमी गर्ने संकेत दिएका छन् l

बर्ष भरिमा आफुले गरेका कार्य सम्पादन लाई शान संग आफ्नो कुराहरु राख्ने यो सुवर्ण अवसर भएकोले राष्ट्रपति ट्रम्प ले शानदार तथा दमदार विचार पस्केका छन् l