काठमाडौं, जेठ १८ । अन्तर्राष्ट्रिय क्रिकेट परिषद (आइसीसी)ले नेपाललाई एक दिवसीय टिमको वरीयतामा समावेश गरेको छ ।
आइसीसीकाअनुसार शुक्रबार (आज)देखि लागू हुने गरी नेपालसहित नेदरल्यान्ड्स, स्कट्ल्यान्ड र संयुक्त अरब इमिरेट्स (युएई)लाई एक दिवसीय टिमको वरीयतामा समावेश गरिएको छ ।
आइसीसीले शीर्ष १२ टिमको वरीयतालाई विस्तार गरी उक्त संख्या १६ पुर्याएको छ ।
नेपालसहित नेदरल्यान्ड्स, स्कट्ल्यान्ड र युएईले अब खेल्ने एक दिवसीय खेललाई आइसीसीले वरीयता निर्धारणका लागि मान्य हुने खेलकारुपमा समावेश गरेको छ ।
नेपालले सन् २०१८ को फेब्रुअरीमा सम्पन्न आइसीसी क्रिकेट विश्वकप छनोट प्रतियोगिताको शीर्ष तीनमा स्थान पक्का गरेपछि एसोेसिएट राष्ट्रकारुपमा एक दिवसीय मान्यता पाएको हो ।
No comments:
Post a Comment