दुर्घटनामा एकको मृत्यु ,बालक घाइते

सुन्दरदुलारी (मोरङ), १३ मङ्सिर । मोरङको बेलबारी– ६ बेतना चोकमा गएराति सवारी दुर्घटना हुँदा एकजनाको मृत्यु भएको छ ।

मृत्यु हुनेमा ट्र्याक्टर चालक मोरङको बयरवन– ७ का २७ वर्षीय मोहन तिम्सिना रहेका छन् ।

सोही ट्र्याक्टरमा सवार बयरवन– ७ कै १० वर्षीय बालक समीर चौधरी गम्भीर घाइते भएका छन् ।

पूर्वपश्चिम राजमार्गमा पश्चिम गइरहेको को२त ५१५७ नंको हाते ट्र्याक्टरले सडकको किनारामा रोकेर राखेको को२१प ७७७२ नंको मोटरसाइकललाई ठक्कर दिँदा ट्र्याक्टर अनियन्त्रित भई विपरीत दिशातर्फबाट आउँदै गरेको ना३ख ९०७० नंको बसमा ठक्कर खाएको थियो ।

तिम्सिनाको उपचारका लागि अस्पताल लाँदै गर्दा बाटैमा मृत्यु भएको थियो । घाइते चौधरीको धरानस्थित विपी कोइराला स्वास्थ्य विज्ञान प्रतिष्ठानमा उपचार भइरहेको प्रहरीले जनाएको छ ।

दुर्घटनामा संलग्न सवारी साधन र बस चालक इलाका प्रहरी कार्यालय बेलबारीको नियन्त्रणमा रहेको प्रहरीले जनाएको छ ।