लहान, १४ पुस । सिरहाको मिर्चैया नगरपालिका–१ रामपुर विर्तामा स्थानीयले लगाएको गाँजा प्रहरी टोलीले नष्ट गरेको छ ।
इलाका प्रहरी कार्यालय मिर्चैयाबाट खटिएको प्रहरी टोलीले मिर्चैया–१ स्थित रामपुर विर्तामा करिब दुई बिगाहा क्षेत्रफलमा लगाएको गाँजा खेती नष्ट गरेको हो ।
गाँजा फडानी अभियानअन्तर्गत उक्त स्थानमा स्थानीयले लगाएको गाँजा खेती नष्ट गरिएको इलाका प्रहरी कार्यालय मिर्चैयाका प्रहरी नायब उपरीक्षक श्यामसिंह चौधरीले बताउनुभयो ।
यसअघि इलाका प्रहरी कार्यालय गोलबजारबाट खटिएको प्रहरी टोलीले सिरहाको दुर्गापुर–४ मा करिब ८०० र गोलबजार नगरपालिका–८ चोहर्वामा ९०० भन्दा बढी गाँजाका बोट नष्ट गरेको थियो ।
No comments:
Post a Comment