पण्डितको स्वास्थ्यमा क्रमिक सुधार

काठमाडौँ, २३ पुस । नेकपा (एमाले) का नेता एवम् पूर्वमन्त्री लालबाबु पण्डितको स्वास्थ्यमा क्रमिक सुधार आएको छ ।

मधुमेह र उच्च रक्तचापको समस्या आएपछि आइतबार साँझ नयाँ बानेश्वरस्थित निजामती अस्पतालमा भर्ना हुनुभएका नेता पण्डितको स्वास्थ्यमा सुधार हुँदै गएको उहाँका स्वकीय सचिव ओसिम आलमले जानकारी दिनुभयो ।

अस्पतालका प्रमुख डा विमल थापाको समूहले उहाँको उपचार गर्दै आएको छ । नेता पण्डितको दुवै आँखामा मोतिबिन्दु पाइएको छ । आलमका अनुसार नेता पण्डितको करिब एक सातापछि तिलगङ्गा अस्पतालमा दुवै आँखामा शल्यक्रिया गर्न चिकित्सकले सुझाएका छन् ।