काठमाडौँ, ११ चैत । भारतमा जारी आईसीसी टि–२० विश्वकपमा बङ्गलादेशलाई आयोजक भारतले १ रनले हराएको छ ।
भारतले दिएको १४७ रनको लक्ष्य पछ्याएको बङ्गलादेश १४५ रनमा समेटिँदा रोमाञ्चक खेलमा भारत विजयी भयो ।
अन्तिम बलमा जितका लागि २ रन चाहिएको बङ्गलादेशले कुनै रन बनाउन सकेन । भारतका लागि रविचन्द्र अश्विन, रविन्द्र जडेजा र हार्दिक पाण्डेयले २–२ विकैट लिए ।
बङ्गलादेशका लागि तामिम इकवालले ३५ र सविर रहमानले २६ रन बनाए।
यसअघि टस हारेर पहिले ब्याटिङ गरेको भारतले निर्धारित २० ओभरको खेलमा ७ विकेट गुमाएर १४६ रन बनायो । मध्यम स्कोर बनाउने क्रममा भारतका लागि शुरे रैनाले सर्वाधिक ३० रन बनाए । २३ बल खेलेका उनले २ छक्का र एक चौका प्रहार गरे ।
यस्तै विराट कोहलीले २४, शिखर धवन २३, रोहित शर्मा १८, हार्दिक पाण्डे १५, रविन्द्र जडेजा १२ रन बनाए ।
बङ्गलादेशका लागि अल अमिन होसाइन र मुस्ताफिजुर रहमानले समान २–२ विकेट लिए ।
No comments:
Post a Comment