काँकडभिट्टा, ११ चैत । नेपाल र भारतबीचको सीमा छुट्याउने झापाका २५४ वटा स्तम्भ ‘गायब’ छन् । हराएका भनिएका स्तम्भको खोजी गरेर पुरानै ठाउँमा कायम गरिने नापी विभागले जनाएको छ ।
झापामा साना, ठूला र मझौला गरी ९८९ वटा स्तम्भ पर्छन् । विभागको टोली पाँच महिनायता सीमा स्तम्भको व्यवस्थापनमा जुटेको छ ।
हराएका र काम नलाग्ने अवस्थाका स्तम्भ पुन: नयाँ बनाइने अधिकृत सुशील डंगोलले जनाए । ‘पहिले अवस्था पत्ता लगाउछौँ, त्यसपछि सम्बन्धित स्थानमा पुन: स्थापना गर्छौं,’ डंगोलले भने ।
उनका अनुसार २१५ वटा स्तम्भ मर्मत र ५० वटा नयाँ निर्माण गरिएको छ । हराएकालाई पुन: बनाउने, जीर्णलाई मर्मत गर्ने र रंग रोगनको काममा दुवै देशका अधिकारी सहभागी छन् ।
दुवै मुलुकका नापी विभागका प्रतिनिधि, भारतीय सशस्त्र सीमा बल र नेपालको सशस्त्र प्रहरी त्यसमा खटिएका छन् । टोलीका अनुसार ५०८ वटा स्तम्भ साधारण ममर्त गरे हुने अवस्थामा छन् । कान्तिपुर दैनिकमा समाचार छ ।
No comments:
Post a Comment