कांग्रेसको मतगणना सकियो, सभापतिमा शेरबहादुर देउवा निर्वाचित

काठमाडौं, २४ फागुन । नेपाली कांग्रेसको १३ औं महाधिवेशनबाट वरिष्ठ नेता शेरबहादुर देउवा सभापतिमा निर्वाचित भएका छन् । आफ्ना प्रतिद्वन्द्वी कार्यबाहक सभापति रामचन्द्र पौडेललाई भारती हराउँदै देउवा सभापति पदमा निर्वाचित भएका हुन् । सोमबार राति राष्ट्रिय सभागृहमा सम्पन्न मतगणनामा देउवाले १ हजार ८२२ मत प्राप्त गरेका छन् । यसैगरी पौडेलले १ हजार २९६ मत प्राप्त गरेका छन् । देउवालाई निर्वाचन समितिले सभापतिमा विजयी भएको औपचारिक घोषणा गर्न बाँकी छ ।