काठमाडौँ, १५ चैत । ‘सशस्त्र प्रहरी महानिरीक्षक तेस्रो राष्ट्रिय खुल्ला महिला भलिबल प्रतियोगिता–२०७२’ आजदेखि सुरु भएको छ ।
सशस्त्र प्रहरी बल प्रधान कार्यालय, हल्चोकमा आजै एक कार्यक्रमबीच सशस्त्र प्रहरीका अतिरिक्त महानिरीक्षक सिंहबहादुर श्रेष्ठले रेफ्रीलाई बल प्रदान गरेर प्रतियोगिताको उद्घाटन गर्नुभयो ।
सशस्त्र प्रहरी बल केन्द्रीय खेलकुद समितिको आयोजनामा भएको यो प्रतियोगितामा नेपाल एपिएफ क्लबसहित नेपाल पुलिस क्लब, ढोरपाटन स्पोट्र्स टे«निङ सेन्टर, पश्चिमाञ्चल क्षेत्रीय भलिबल सङ्घ र जावलाखेल भलिबल प्रशिक्षण केन्द्र गरी पाँच टोलीले भाग लिएका छन् ।
विसं २०७० देखि सञ्चालन भइरहेको प्रतियोगिताको कुल पुरस्कार राशि रु चार लाख ५५ हजार तथा ट्रफी र पदक रहेको छ ।
प्रतियोगितामा प्रथम हुने टोलीलाई रु दुई लाख ५० हजार, द्वितीयलाई रु एक लाख २५ हजार र तृतीयलाई रु ५० हजार नगद पुरस्कार प्रदान गरिनेछ ।
त्यस्तै, प्रतियोगिताका सर्वोत्कृष्ट खेलाडीलाई एक थान स्कुटर प्रदान गरिनुका साथै उत्कृष्ट स्पाइकर, सर्भर, डिफेन्स, ब्लकर, सेटर र उत्कृष्ट प्रशिक्षकलाई जनही रु पाँच÷पाँच हजार पुरस्कारको व्यवस्था गरिएको छ ।
यसैबीच, आजै सशस्त्र प्रधान कार्यालयस्थित एपिएफ भलिबल कोर्टमा भएका एपिएफ र पश्चिमाञ्चलबीच भएको खेलमा नेपाल एपिएफ क्बल विजयी भएको छ । त्यसैगरी, अर्को खेलमा पुलिसले ढोरपाटनलाई पराजित गरेको छ ।
भलिबलसँगै देशको समग्र खेलकुद क्षेत्रमा टेवा पु¥याउने उद्देश्यले प्रतियोगिता आयोजना गरिएको सशस्त्र प्रहरी बलले जनाएको छ ।
No comments:
Post a Comment