गएराति भएको खेलमा मुम्बई इन्डियन्सले दिएको एक सय ४३ रनको लक्ष्य हैदरावादले १७ दशमलव ३ ओभरमा तीन विकेटको क्षतिमा भेट्टाएको थियो। हैदरावादको जितमा डेविड वार्नर नटआउट ९० रन जोडे। वार्नरले ५९ बलमा चार छक्का र सात चौकाको प्रहार गरेका थिए ।
यस्तै मोएसिस हेनरिकले २०, दिपक होडाले नटआउट १७ रन बनाउँदा मोर्गान ११ रनको योगदान दिए। मुम्बईका टिम साउथी एक्लैले तीन विकेट लिए ।
यसअघि पहिले मुम्बई इन्डियन्सले पुरै ओभर खेल्दै ६ विकेटको क्षतिमा एक सय ४२ रन बनाएको थियो। मुम्बईका लागि रायडुले सर्वाधिक ५४ रन जोडे भने कुर्नल पाण्डेयले नटआउट ४९ रन बनाए ।
यस्तै जोस बटलरले ११ तथा पार्भिव पट्टेलले १० रन जोड्दा कप्तान रोहित शर्मा ५ रनमै आउट भए ।
हैदरावादका बारिन्दर सरानले तीन विकेट लिए भने भुबनेश्वर कुमार र मुस्ताफिजुर रहमानले समान १–१ विकेट लिएका थिए ।
No comments:
Post a Comment