सबै मानिसमा हुन्छ सुसुप्त अवचेतना
जगाउन सके जाग्छ प्रबुद्ध अवचेतना !
परिस्कार परिमार्जन गरेर समबर्धन
न भएमा सधै हुन्छ उन्मुक्त अवचेतना !
ऋषि महर्षि योगीको ध्यान चिन्तन ज्ञानले
परमार्थ सजाइदिञ्छ संयुक्त अवचेतना !
शिक्षादीक्षा र तालीम सबै लौकिक छन यहा
परिपक्क पनि हुन्छ प्रयुक्त अवचेतना !
युगमा एक जन्मन्छन बनेर मार्गदर्शक
भेटियो साधनामा त्यो बुद्धत्व अवचेतना !
No comments:
Post a Comment