पोहोरको बन्दको संझना

एउटा शरीर लुट्नलाई हिजो नेपाल बन्द थ्यो
भाइ भाइ फुट्नलाई हिजो नेपाल बन्द थ्यो,

शिर मेरो पाउ मेरो आफ़्ना आफ़्नै अडानमा,
छुट्टा छुट्टै धुत्नलाई हिजो नेपाल बन्द थ्यो,

दुखियाकै ढाड टेकी बिरासत लिन खोज्दै,
बुधैयालाई भुट्नलाई हिजो नेपाल बन्द थ्यो

बारी मेरै पाखा मेरै फ़ुटाईदिन्छु आँखा भन्दै
युद्द पगरि गुथ्नलाई हिजो नेपाल बन्द थ्यो,

हाड छाला छुट्नलाई ज्ञानेन्द्रीयकै रस्साकस्सी,
बिष प्याला खुट्नलाई हिजो नेपाल बन्द थ्यो,

जातियता ऊँचो पार्दै खण्डियता भिर्दै फेरि,
आफ़्नै जेथा लुट्नलाई हिजो नेपाल बन्द थ्यो ।।