काठमाडौं, २१ असार । नेपाल बार एशोसिएसनले वार्ताका लागि दबाब दिने उद्देश्यले प्रमुख विपक्षी दल नेपाली कांग्रेस र सत्तारुढ एमाले, माओवादी केन्द्रसहितका दलका नेताहरूसँग परामर्श गर्दैछ ।
अपरान्ह चार बजे नेपाल बार एशोसिएसनको मुख्यालय रामशाह पथमा हुने छलफलमा वार्ता सहजिकरण समितिले प्रमुख दल प्रतिनिधिहरूसँग परामर्श गर्नेछ ।
बार एशोसिएसनले आन्दोलनरत समूहका मागलाई सम्बोधन गर्नु पर्ने तथा वार्ताबाट समस्याको समाधानका लागि सहजिकरण गर्ने उदेश्यले पहल लिँदै आएको छ ।
वरिष्ठ अधिवक्ता तथा नेपाल बार एशोसिएसनका पूर्व अध्यक्ष शम्भु थापासहितका अधिवक्ता रहेको वार्ता सहजिकरण समितिले संघीय गठबन्धनका मागका विषयमा सरोकारवाला निकायलाई दबाब दिने जनाउँदै आएको छ ।
यसअघि संघीय गठबन्धनका नेताहरूसँग परामर्श गरेको वार्ता सहजिकरण समितिले सरकारका साथै विभिन्न दलका नेताहरूसँग अनौपचारिक परामर्श गर्दै आएको छ ।
No comments:
Post a Comment