गत वर्ष भेनिस अन्तर्राष्ट्रिय फिल्म फेस्टिभलमा क्रिटिक्स विकतर्फ उत्कृष्ट फिल्म घोषित भएको ‘कालो पोथी’ डिसीका दर्शक माझ आगामी जुलाई १० तारिख एकै दिनमा दुई पटक प्रदर्शन हुने भएको छ l दर्शकहरुको मन जित्न सफल चलचित्र कालो पोथी अब डिसी लगायत अमेरिकाको न्युयोर्क राज्यहरुका प्रमुख शहरहरुमा पनि प्रदर्शनीमा आउने भएको छ l
मीनबहादुर भाम द्वारा निर्देशित चलचित्र निकै चर्चा परिचर्चामा रहेको छ l माओवादी जनयुद्धले मुगुका स्थानीयले भोगेको पिडा चलचित्रको मुख्य बिषय रहेको छ । साढे तिन करोड लागतमा निर्माण गरिएको चलचित्र कालो पोथीमा स्थानीय खड्कराज नेपाली (प्रकाश)र शुक्रराज रोकाया (किरण ) को मुख्य अभिनय रहेको छ ।
काजकिस्तानका अजिज झाम्बाकिभको छायांकन रहेको फिल्ममा जेशन कुँवरले संगीत भरेका छन् । झन्डै डेढ घन्टा लामो चलचित्र निर्देशक मीनबहादुरले यस अघि बनाएको लघु चलचित्र ‘बाँसुल्ली’ ले पनि अन्तर्राष्ट्रिय महोत्सवमा प्रशंसा बटुलेको थियो ।
चलचित्र राम्रो भएको कारण जुलाई १० तारिखमा डिसी महानगर क्षेत्रमा एकै दिनमा दुई पटक १ बजे र ४ बजे प्रदर्शनी हुने भएको जानकारी सुरेश सापकोटाले दिएका छन् l
For ticket please go to this link :
No comments:
Post a Comment