एटलांटा एएनए सम्मेलनको आम्दानी तथा खर्च पारदर्शी : नव निर्वाचित वरिष्ठ उपाध्यक्ष ,खगेन्द्र अधिकारी

एएनएमा अध्यक्ष सहित अन्य पदमा हेरफेर पश्च्यात ईनेपलिजले यस संस्थाका नव निर्वाचित वरिष्ठ उपाध्यक्ष खगेन्द्र अधिकारी संग एटलांटा एएनए सम्मेलनको आर्थिक कारोबार सम्बन्धि प्रश्न उठाएका थियौ l

गत जुलाई १ देखि ४ सम्म सम्पन्न भएको एटलांटा एएनए सम्मेलनमा अहिले सम्म सार्बजनिक रुपमा आम्दानी र खर्चको विवरण नआएकोले पारदर्शिता सम्बन्धि केहि जिज्ञाशा राख्दा अधिकारीले भने आम्दानी तथा खर्च पारदर्शी बनाई सकिएको बताए l

अधिकारीले भने सम्मेलन पश्च्यात संचालक समिति ,कार्यकारी समिति तथा सल्लाहाकार समितिको सयुक्त बैठकमा हिसाब किताब पेश गरिएको बताए l उनले अगाडी भने आम्दानी र खर्च बराबर नै भएको र उक्त सयुक्त बैठकमा सम्मेलन संयोजक तथा आयोजक समितिका संयोजकले जानकारी गराई सकेको बताएका छन् l

एएनएका अध्यक्ष रोजर अधिकारीले गत अगस्त १४ तारिखमा राजिनामा गरे पछि शम्भु ढुंगाना अध्यक्ष तथा डिसी महानगर क्षेत्रका तत्कालिन उपाध्यक्ष खगेन्द्र अधिकारी वरिष्ठ उपाध्यक्षमा सर्ब सम्मति बाट चयन गरिएको थियो l

गत महिना एएनएन एटलांटा सम्मेलन सफलता पुर्वक सम्पन्न भएकोमा आफु निकै उत्साहित भएको अधिकारीले बताउदै ईतिहास बोकेको एएनएले महत्वाकांक्षी काम गर्ने बताए l

अधिकारीले गैर मुनाफा संस्था भएकोले नाफा कमाउने ध्येय नरहेकोले सम्मेलनको आम्दानी र खर्च बराबर जस्तै भएको जानकारी दिए l