काँकडभिट्टा (झापा), १६ असोज । विर्तामोडस्थित बिएन्डसी हस्पिटललाई मेडिकल कलेजको सम्बन्धन दिनुपर्ने माग गर्दै पाँच दिनदेखि आमरण अनशन बस्नुभएका चैतन्यप्रकाश मैनालीलाई आज युवा तथा खेलकुद मन्त्री दलजित श्रीपाइलीले भेट गर्नुभएको छ ।
हस्पिटल परिसरमै अनसनमा बस्नुभएका मैनालीलाई भेटेपछि पत्रकारसँगको कुराकानीमा मन्त्री श्रीपाइलीले उहाँका मागलाई मन्त्रिपरिषद्मा लैजाने बताउनुभयो ।
काठमाडौँका डा गोविन्द केसी र झापाका मैनालीले अनशनका क्रममा उठाउनुभएको मागका विषयमा सरकारले उपयुक्त निर्णय लिने मन्त्री श्रीपाइलीले बताउनुभयो ।
No comments:
Post a Comment