पूर्वराजा ज्ञानेन्द्र शीतल निवास प्रवेश

काठमाडौं, ३ माघ । पूर्वराजा ज्ञानेन्द्र शाह पहिलोपटक राष्ट्रपति कार्यालय शीतल निवास प्रवेश गरेका छन् ।

राष्ट्रपति विद्या भण्डारीकी छोरी निशाकुशुमको विवाहको निम्तो मान्न ज्ञानेन्द्र सोमबार दिउँसो बा ४ च ३८०७ नम्बरको हरियो रंगको टोयोटा गाडीमा शीतल निवास पुगेका हुन् ।

निशाकुशुमको पूर्वराष्ट्रपति रामवरण यादवका नाती अभिशेषसँग बैबाहिक सम्वन्ध गाँसिएको हो ।

गणतन्त्र आएपछि पूर्वराजा पहिलोपटक राष्ट्रपतिको निम्तोमा शीतल निवास पुग्नुलाई धेरैले सकारात्मक रुपमा लिएका छन् ।