निर्वाचनको मिति घोषणा गर्नुपर्छ : एमाले उपाध्यक्ष रावल

धनगढी, २० माघ । नेकपा (एमाले)का उपाध्यक्ष भीम रावलले सरकारले निर्वाचनको मिति यथाशीघ्र घोषणा गर्नुपर्ने बताउनुभएको छ ।
आज धनगढी विमानस्थलमा पत्रकारसँग कुरा गर्दै उहाँले भन्नुभयो – “निर्वाचनको वातावरण बनाउनका लागि एमालले सरकारलाई सहयोग गर्न तयार छ ।” उपाध्यक्ष रावलले संविधान संशोधन प्रस्ताव राष्ट्र र नेपाली जनताको हित विपरित तथा संविधान अनुकूल नभएको उल्लेख गर्दै यो प्रस्ताव बेमौसमको बाजा रहेको टिप्पणी गर्नुभयो ।