सप्तरीको राजविराज घटनाप्रति दुःखी छु : केपी ओली

काठमाडौं, २४ फागुन । एमालेका अध्यक्ष केपी ओलीले राजविराजमा तीन जनाको ज्यानजाने गरी भएको घटनाप्रति दुःख व्यक्त गरेका छन् ।

सामाजिक सञ्जाल फेसबुकमा मंगलबार बिहान स्ट्याटस लेखेर अध्यक्ष ओलीले मधेसी मोर्चाका दुई दर्जन कार्यकर्ता घाइते भएकोमा पनि दुःख जनाएका हुन् । ‘सप्तरीको राजविराज घटनाप्रति दुःखी छु’, अध्यक्ष ओलीले भनेका छन् ।

राजविराजको औद्योगिक क्षेत्रमा सोमबार एमालेले आयोजना गरेको कार्यक्रमपछि मधेसी मोर्चा र प्रहरीबीच झडप हुँदा तीन जनाको ज्यान जानुका साथै मधेसी मोर्चाका दुई दर्जन कार्यकर्ता घाइते भएका थिए ।