न्युयोर्कमा मन्दिर बनाउन ७५ लाख चन्दा दिए राजेश भट्टले

न्युयोर्कमा दुर्गा मन्दिर तथा सामुदायिक भवन बनाउन लामो समय देखि न्युयोर्क बस्दै आएका राजेश भट्टले ७५ हजार डलर( करिव ७५ लाख नेपाली रुपैया ) बराबर रकमको चन्दा सहयोग गरेका छन् । रिजउड नेपाली समाजको पहलमा न्यूयोर्कको ज्याक्शन हाईट्स स्थित सत्यनारायण मन्दिरमा भै रहेको श्रीमद् भागवत महापुराणको दोश्रो दिन सोही पुराणका संयोजक दानवीर भट्टले त्यत्रो ठुलो राशी को चन्दा दान गरेका हुन् l

उनले ईनेप्लिज कि सहयोगी हात तथा संचारकर्मी सच्ची मैनाली संग कुराकानी गर्दै भट्टले भने आवश्यक भए सहयोगको रकम अझै बढाउने छु l संचारकर्मी मैनालीले “यो सहयोग रकम प्रतिष्पर्धाको लागि हो की साच्चीकै सहयोगको लागि हो ?” भन्ने जिज्ञाशा राख्दा राजेशले भने – “म न्यूयोर्कको लड्०आईल्याण्डमा बस्छु ।

हरेक सप्ताहान्तमा बिद्यालय पढ्दै गरेकी मेरी छोरीको साथीहरु हाम्रो ईसाई मन्दिरमा जान लागेको भन्ने गर्छन्, तर मैले वा मेरी छोरीले कहिल्यै पनि उनिहरुलाई हामी हाम्रो मन्दिरमा जान लागेको भन्न सकेनौ । मलाई सधै यो कुरा कुराले आत्मग्लानी भैरह्यो । त्यसैले रिजउड नेपाली समाजको पहलमा सबै नेपाली समुदायको सहभागितामा बन्न लागेको दुर्गा मन्दीर र नेपाली सामुदायिक भवनको लागि मैले मन खोलेर ७५ हजार डलर सहयोग गरेको हो । म यो सहयोग रकममा अझै थप्न सक्नेछु ।”

भट्टले रिजउड नेपाली समाजले जग्गा किन्दा २५ लाख (२५ हजार डलर ) दिएका थिए l

यसै गरि दोश्रो दिन अर्का दानवीर तथा अभियन्ता सूर्यसाल लम्सालले ३०,३६५ डलर सहयोग गरेका छन् l लम्साल गैर आवासीय नेपाली संघ अमेरिकाका आगामी निर्वाचन का लागि सशक्त दाबेदार महा सचिवका उम्मेदवार पनि हुन् l