ललितपुर, ४ असोज ः नेपाली काँग्रेसका वरिष्ठ नेता रामचन्द्र पौडेलले संविधानमा लेखिएका समावेशी र समानुपातिक प्रणालीलाई व्यवहारमा लागु गरिनुपर्ने बताउनुभएको छ ।
नेपाल आदिवासी जनजाति संघद्वारा आज यहाँ आयोजित ‘संविधानमा आदिवासी जनजातिको हक, अधिकार र नेपाली काँग्रेसमा जनजातिको भविष्य’ विषयक गोष्ठीमा उहाँले उत्पीडित वर्गलाई समावेश गरेर माथि उठाउने सिद्धान्त काँग्रेसले मात्र अवलम्बन गरेको दाबी गर्नुभयो ।
जनजाति वर्गको उत्थानका लागि पार्टीको तर्फबाट आवश्यक सहयोग गरिरहेको उहाँको भनाइ थियो ।
उहाँले देशलाई आर्थिक रुपले सवल बनाउन कृषि क्रान्ति गर्नु जरुरी रहेको उल्लेख गर्नुभयो ।
समावेशीको सिद्धान्तलाई व्यवहारमा ल्याउन संसदीय प्रणाली नै उचित रहेको नेता पौडेलको भनाइ थियो ।
नेपाली काँग्रेसका मुख्य सचेतक चिनकाजी श्रेष्ठले समावेशी र समानुपातिक प्रणाली राज्यको हरेक निकाय तथा पार्टीको सबै तह र तप्कामा कार्यान्वयन हुनुपर्नेमा जोड दिनुभयो ।
संघका अध्यक्ष इन्द्रबहादुर गुरुङले आदिवासी जनजातिको उत्थानका लागि पार्टी र राज्यले समावेशीको सिद्धान्तलाई मजबूत किसिमले लागु गरिनुपर्नेमा जोड दिनुभयो ।
No comments:
Post a Comment