११ कात्तिक,झापा–बालक लक्ष्मण शिवाकोटीको रहस्यमय मृत्युबारे छानविनको माग गर्दै शुक्रवार विर्तामोडमा भएको प्रदर्शनमा दमन गरेको भन्दै ईलाका प्रहरी कार्यालय अनारमनीका प्रमुख डिएसपी राजकुमार सिलवाल जिल्ला तानिएका छन् ।
सिलवालको स्थानमा इलाका प्रहरी कार्यालय अनारमीको प्रमुखको रुपमा डिएसपी जितेन्द्र बस्नेतलाई पठाईएको प्रहरी स्रोतको भनाई छ ।
स्थानीयले अर्जुनधारा नगरपालिका ११ बर्षिय बालक लक्ष्मण शिवाकोटीको हत्या भएको दाबी गर्दै घट्ना छानविनमा डिएसपीको भुमिका माथि प्रश्न उठाउँदै आएका थिए ।
शुक्रवार भएको प्रर्दशनका क्रममा डिएसपी सिलवाले अनावश्यक बल प्रयोग गरेको निष्कर्ष निकाल्दै उनको सरुवा गरिएको हो । प्रदर्शनका क्रममा प्रहरीको गोली लागेर अर्जुनधारा–५ का नरशे थापाको मृत्यु भएको थियो ।
सत्यतथ्य छानविन गर्ने सर्वदलीय निर्णय
शनिवार मध्यान्ह प्रमुख जिल्ला अधिकारी ऋषिराम तिवारी, राजनितीक दलका प्रतिनीधी र सुरक्षा अधिकारी सम्मिलित बैठकले घट्नाको सत्यतथ्य छानविन गर्ने निर्णय गरेको छ ।
बैठकमा सहभागी एक सुरक्षा अधिकारीका अनुसार बिर्तामोडमा भएको दमनको घट्ना पनी छानविन गर्दै गृह मन्त्रालयका सह–सचिव विरेन्द्र यादव नेतृत्वको छानविन समितीलाई सघाउने निर्णय समेत बैठकले गरेको छ ।
स्थानीय प्रशासनले विर्तामोडमा लगाएको कफ्र्यु जारी छ ।
No comments:
Post a Comment