काठमाडौं, माघ १४ । लिभरपुललाई हराउँदै वेष्ट ब्रोम एफए कप फुटबलको पाँचौं चरणमा पुगेको छ ।गएराति लिभरपुलको मैदान एन्फिल्डमा भएको खेलमा पाहुना टोली वेष्ट ब्रोम ३-२ ले विजयी भयो ।
खेलमा वेष्ट ब्रोमलाई विजयी गराउन जे रोड्रिग्वेजले २ गोल गरे भने लिभरपूलका जोएल माटिपले एक आत्माघाति गोल गरे ।
लिभरपुलका लागि रोबर्टो फर्मिनो र मोहोमद सालाहले एक–एक गोल गरे । जितसँगै वेष्ट ब्रोम एफ.ए. कपको अन्तिम १६ मा पुग्दा लिभरपुल चौथो चरणबाटै बाहिरिएको छ ।
एफ.ए कप फुटबलका अन्य खेलमा पिटरबोरो युनाईटेडलाई ५-१ ले हराउँदै लेष्टर सिटी, वाट्फोर्डलाई १-० ले हराउँदै साउथह्याम्पटन, वेष्ट ह्याम युनाईटेडलाई २-० ले हराउँदै विगान एथ्लेटिक तथा मिडिल्सब्रोलाई १-० ले हराउँदै ब्राईटन पाँचौ चरणमा पुगेका छन् ।
न्यूपोर्ट काउण्टीसँग १-१ गोलको बराबरी खेलेको टोटनह्याम हट्सपरले भने पाँचौं चरणमा पुग्न रि प्ले खेल्नुपर्ने भएको छ ।
No comments:
Post a Comment