कञ्चनपुर, ७ वैशाख: शुक्लाफाँटा नगरपालिका–११ कलुवापुरमा आजदेखि दुग्ध चिस्यान केन्द्र सञ्चालनमा आएको छ ।
सनवोरा कृषि सहकारी संस्थाले सञ्चालन गरेको केन्द्रको प्रदेश नं ७ का भूमि व्यवस्था, कृषि तथा सहकारीमन्त्री विनिता चौधरीले उद्घाटन गर्दै दुई वर्षभित्रै प्रदेश नं ७ लाई माछा, मासु, अण्डा र दूधमा आत्मनिर्भर बनाउन दीर्घकालीन, मध्यकालीन र अल्पकालीन योजना बनाई लागु गरिने बताउनुभयो ।
नगर प्रमुख दिलबहादुर ऐरले पशुपालनका लागि रु ४५ लाख र कृषिका लागि रु ८२ लाख बजेट परिचालन गरिएको बताउनुभयो । केन्द्रमा ३० दिनसम्म दूध भण्डार गर्ने क्षमता छ ।
No comments:
Post a Comment