भोजपुर, २२ पुस । भोजपुरको उत्तरी गाविस नेपालेडाँडा–३ मा घर बनाउने कार्यमा रहेका भीम गिरीलाई उनीसँगै रहेका थामबहादुर श्रेष्ठले गएराति हत्या गरेका छन् ।
सुनसरी जिल्लाको भरौल गाविस–३ कालाबन्जारका उनीहरु दुवै नेपालेडाँडाका नारायण कठायतको घर निर्माणका लागि मिस्त्रीको रुपमा काम गर्दै आएका थिए । राति ८ बजे श्रेष्ठले गिरीलाई दाउराको चिरपट र बन्चरो प्रहार गरी हत्या गरेको जिल्ला प्रहरी कार्यालय भोजपुरले जनाएको छ ।
मदिरा सेवन गरेर गिरीले आफूलाई दुःख दिएकाले हत्या गरेको श्रेष्ठको भनाइ छ । गिरीले केही दिनअघि मदिरा सेवन गरेर श्रेष्ठको ज्वाँइलाई समेत कुटपिट गरेको बताइएको छ ।
गिरीको हत्यापछि फरार रहेका श्रेष्ठलाई धनकुटाको भेडेटारबाट पक्राउ गरिएको प्रहरीले जनाएको छ ।
No comments:
Post a Comment